蔡淇俊上載了一段影片，並寫道：「陪老婆去看權志龍，不惜重金也要滿足她的願望。」他直言：「俊嫂為咗追星，見佢男神，我唔知擺攤賣咗幾多日雞腳喇。」而蔡淇俊老婆更大曬VVIP證興奮表示好開心！蔡淇俊感嘆：「啲票好難搶返嚟㗎，俊嫂鍾意GD已經十幾年，我一次都冇陪佢睇過，今次澳門演唱會，我專程幫佢安排好酒店同買好票，以前佢自己飛去韓國睇十周年，而家我哋年紀愈嚟愈大，我更加珍惜每日同佢一齊嘅時間。」雖然蔡淇俊陪老婆企足全程，搞到腰酸背痛，但他毫無怨言：「咁多年佢為咗我奔波勞碌，以後只要佢鍾意嘅，我都一定會陪住佢！」
據知GD澳門演唱會VVIP企位官方價格為澳門幣$2,399，但所有門票一開售即秒速售罄，VVIP門票更炒至高達15,000元，相當誇張！不少網民都留言大讚蔡淇俊錫老婆又專一，而他在回覆網民時更公開激讚老婆：「俊嫂是一個充滿能量的人，我迷茫低谷的時候她永遠像打了雞血一樣跟我各種折騰事業，她膽大有思想從來不怕失敗，她並不是傳說的富婆，而是跟我一起打拼，她性格外向一身正氣，跟我性格是兩個極端，這麼多年，我被她吸引感染改變，我們是愛人是拍檔是戰友。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
