阮政峰透露決定離巢當日適逢擔任劇集宣傳活動主持，所以令他特別感觸，最後亦有向大家道別：「有緣再見！拜拜！」他表示與大家並肩作戰的8年以來非常開心，與台前幕後工作人員都相處融洽，感情深厚。阮政峰亦有透露離巢後的動向，身兼武術導師、配音員、婚宴活動主持、魔術師的他更表示歡迎大家找他工作：「如果大家要拍劇拍戲，需要演員嘅話，搵我！因為我由始至終都係一位演員！」
阮政峰自8歲開始習武，涉獵拳法、劍術及槍術，師承武術家李暉，2010年任武術教練教導小朋友學習武術，2011年他加入第25期無綫電視藝員訓練班，同年參加武術選秀節目《功夫新星》，最初加入兒童組主持《放學ICU》，他曾在訪問中表示經歷過事業低潮期，試過足足9個月無工開：「嗰段日子好難捱，雖然算係一個過渡期，由兒童組轉去劇組，但9個月真係好耐，當然會唔開心。因為之前明明仲有好多工作，變咗無工開，覺得好失落，靠底酬同埋儲落的積蓄過活。咁我都有去學嘢增值自己，去學唱歌、修讀演藝課程、練武術同魔術。」2017年阮政峰憑處境劇《愛·回家之開心速遞》中飾演「池子孝」一角而人氣急升，大受歡迎！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
