藝人關嘉敏（Carman）、黃嘉雯、陳映影及鄧依婷等，今日（18日）現身灣仔書展，出席資深戲劇導師袁綺敏（Yem）首本個人心靈戲劇類新書《戲可以演得爛，人生可不要活爛》新書發布會。
Carman表示Yem是她拍劇前的第一位戲劇導師，指對方當時已發現她的模仿力很強，大讚對方教學功力很強，數年前已叫對方出書，覺得不要浪費，今日見到對方終於出書十分高興。問到自己會否有興趣寫書？她笑言：「梗係冇興趣，我坐唔定㗎，哈哈！我鍾意寫嘢不過係冷笑話。」她即場示範講冷笑話，結果成功令全場鴉雀無聲，相當成功。
談到她近日被拍得出入坐公共交通工具，被讚慳家，她說：「其實我有個花名慳家敏，出道嗰陣已經畀人咁叫，你知出道嗰陣好辛苦，捱咗好多年養成習慣，依家雖然間中會揸車，但鍾意坐公共交通工具。」她表示會努力為自幸爭取，但不會強求。提到無綫戀愛綜藝真人騷《女神配對計劃》中直認對她有好感的參賽者姜卓文（細John）日前生日，獲她送上生日驚喜一吻，Carman坦言只是Birthday Kiss，私下其實沒有聯絡，笑指感覺跟對方緣分「硬係爭少少」。
Yem表示新書講及戲劇與人生，覺得人生如戲，若能以逆向思維梳理人生，其實可以跳出人生之苦。她笑言由構思到成品用了3年時間，現已籌備第2本書：「呢幾年教班發現自己鍾意搞人哋個心，做戲嘅阻礙正如做人嘅阻礙，清咗做人嘅阻礙，條路就會順。」她又大讚自己每位學生也精靈，每人也有不同性格，又爆Santis曾半夜來電並爆喊，令她也嚇親：「佢開頭唔係咁熱愛生命，但上完堂之後轉變咗好多，係我最大感恩。
問到Santio是否因情傷爆喊？她否認並笑稱自己很容易哭崩：「生活上不嬲好多挫折，爆喊唔一定係好大件事，可能只係壓力積埋，事無大小我都會打畀子Yem。」她坦言每當發現自己鑽牛角尖，便會致電Yem，對方即會引導她如何解決。她表示暫時仍單身，現時希望趁年輕在事業上先發展一下，感情事隨緣。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
