馮盈盈讚今年港姐質素高 能做前解放軍候選佳麗師姐：與有榮焉 #港姐 #馮盈盈

馮盈盈和莊子璇（Hilary）今日（5/7）現身黃埔出席新城電台訪問節目宣傳活動。提到今屆港姐參選佳麗陸續登場，其中「前解放軍」25歲劉維斯因屬於發射 ...

馮盈盈和莊子璇（Hilary）今日（5/7）現身黃埔出席新城電台訪問節目宣傳活動。提到今屆港姐參選佳麗陸續登場，其中「前解放軍」25歲劉維斯因屬於發射導彈部門，當年負責發射導彈，火速成為關注。

馮盈盈接受《香港01》訪問時表示：「今屆港姐好犀利呀，又有翻版莊子璇，又有翻版劉佩玥，原過最勁係有一個為做過解放軍，而且係發射導彈，咁所以發覺而家啲港姐越來越勁，第時成為我哋師妹，我哋都覺得與有榮焉，真係覺得好勁。」

莊子璇、陸活明和馮盈盈今日出席新城電台訪問。（吳子生攝）



25歲參賽者劉維斯曾是一名解放軍。 （資料圖片）

對於有佳麗被指同自己撞樣，Hilary表示：「其實我全部嘅參選嘅佳麗我係有望過一次，但我就冇特別留意邊一個囉。（冇留意邊一個？）係呀，因為全部都係咁靚咁靚。（冇睇報道指有個翻版莊子璇？）冇睇。（你係唔敢睇？）我少啲囉，因為我睇緊我哋嘅節目嘛。」



莊子璇直言無留意「翻版莊子璇」陸凱殷。（吳子生攝）



22歲Victoria 被指貌似莊子璇。

本文作轉載及備份之用 來源 source: http://www.hk01.com

鍾意就快D Share啦！

下一篇 》