李嘉日前接受演藝人協會訪問，透露因自小習武父親覺得他喜歡郁手郁腳，於1999年建議他應徵TVB動作特技演員訓練班。不過由於習武與拍攝不相同，故李嘉經常受傷，提到有次拍攝追陳國邦的戲份，當日下着毛毛細雨加上地面濕滑而受傷：「我就踩錯腳令膝頭哥直接撞地應聲碎裂，之後醫生話腳骨碎咗、軟骨爆晒出嚟，需要做手術攞番啲碎骨出嚟。」其後李嘉工傷1年，自此不能再做龍虎武師，便入讀訓練班並被安排做主持工作，但隨後因人事調動未能繼續做主持，因而選擇當上輔警。
李嘉直言做輔警亦因為熱愛演藝事業：「我自小練武，但時代變咗，都要識用槍，咁有咩行業可以接觸到槍呢？所以我就去咗做輔警。做演員必須去體驗生活，唔係做出嚟就會畀人感覺離地。」他還提到為了生活，更透過朋友介紹而當上保鑣。
李嘉於2022年與內地太太結婚，兩人育有約1歲的女兒，為了養家，李嘉約2年前當上無人駕駛車操作員。他曾經透露這份工作需要每日工作12小時，其工作表現亦得到讚賞，獲頒發安全模範員工獎項。不過李嘉仍未放棄藝人身份，現時同時為星王朝旗下藝人，雖然正演藝圈寒冬，但認為捱過就會好：「就算第時再冇機會發展演藝事業，都唔緊要啦，我都拍過一啲作品，觀眾記得就可以。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
