《2025香港小姐競選決賽》今晚在TVB將軍澳電視城舉行。14位佳麗經過番激烈賽事後，（1）李尹嫣先拔頭籌勇奪「最上鏡小姐」殊榮，實至名歸。早前，她已獲得「友誼小姐」，今晚由去年季軍汛文向（1）李尹嫣頒發「友誼小姐」獎項。另外，（1）李尹嫣、（3）蔡華英、（7）施宇琪、（9）陳詠詩和（13）袁文靜成勁功入圍最後5強。
5強在最後環節中每人各有30秒來拉票，其中（7）施宇琪講得最好，她自言：「老細叫我參選港姐，我問佢我錯乜？做乜玩我？因為我當時係肥妹、性格有啲Man，好行路似猩猩，但我好有決心，40磅話減就減，儀態話改就改，唯一唔改係我嘅性格，我有獅子山精神，我未必係最靚港姐，但我一定係最堅、最真誠最勤力港姐。」獲台下掌聲雷動。
而雙料得主（1）李尹嫣則分享一個故事：「有個算命師話我今年唔行運，唔適合選港姐，我憑決心努力嚟到，如果你都覺得命運在自己手中，就要支持我。」而憑半鹹淡廣東話深受網民歡迎的（13）袁文靜坦言：「我4個月前先嚟香港，當時只識講多謝同叉燒飯，我用2個月時間學catwalk、唱歌、跳舞，我已經係無限可能。」另外，（3）蔡華英就多謝無綫、家人及台前幕後工作人員，揚言得到冠軍會開跳舞學校，（9）陳詠詩就想將運動員嘅精神帶給觀眾，回饋社會。
此外，（1）李尹嫣和（3）蔡華英好戰友，她們家人入場欣賞選美被安排坐在一起，李尹嫣母親表示：「我們兩位家長居然被抽到坐在一起的觀眾席，真的是緣分呀，預祝兩位小寶貝今晚一起有好成績。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
