《2025香港小姐競選決賽》今晚在TVB將軍澳電視城舉行。14位佳麗經過一輪激烈的賽事後，賽果終於出爐。冠軍由（9）陳詠詩奪得，（7）施宇琪奪亞軍，季軍為（13）袁文靜。
新鮮出爐港姐三甲、友誼小姐及上鏡小姐在家人陪同下接受無綫訪問，冠軍陳詠詩講到獲獎心情，她表示：「好感動，目標係做好自己，冇諗過名次，因為怕影響狀態同心態，上台係興奮多過緊張，最緊張係問答環節。」她又多謝爸爸一直對她的支持，笑言小時候跟妹妹經常鬧交，但愈大感情愈好，妹妹昨日特意由外國飛回來支持她，陳父直言女兒參賽後改變大：「為佢驕傲，最重要係多謝媽媽咁多年來一直培育佢。」
亞軍施宇琪自言賽果出乎意料：「我唔係選美嘅人，我曾經係肥妹同性格man，唔係好靚，我今次攞獎證明毅力係可以致勝。」她笑指媽媽不在場，因為她怕上鏡:「佢好有信心我會攞三甲，所以佢避開咗。」外籍人士的施父以半鹹淡廣東話說:「好開心，我個女又叻又靚。」
季軍袁文靜對獲獎感驚訝:「我參選目標係學好廣東話同交朋友，呢個獎係香港畀我嘅禮物，好開心。我想做教書，想向內地朋友介紹香港，希望大家都來香港花錢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
