前港隊游泳代表、藝人方力申昨（8日）出戰在新加坡舉行的世界先進游泳錦標賽，結果以2分16秒84勇奪男子200米背泳45-49歲組別冠軍，方力申退役已十多年，至今仍能獲此佳績，真的非常犀利！
方力申亦透過社交網直言：「我退役咗咁多年無游水，直至2019年為咗游環島泳，先喺2018年開始游番水，之後參加世錦賽就已經喺疫情前，由2023年開始都有去福岡、多哈等地比賽，其實喺上年我已經講過希望喺今年新加坡可以衝擊第一名，之後向住呢個目標進發，當然今年亦都係特別忙，結婚、老婆懷孕、又有音樂會要做，游泳學校又有新泳池，所以臨出發前都有點擔心，而當游完200米，我就夜機返回港，今日要去廣西工作，跟住再衝返去新加坡，希望趕得切游第二項嘅400米個人四式，暫時報名時間第一名，所以都好希望可以趕到。」
對於昨日的成績，方力申都感到滿意，並指他參加的組別中，贏得第二名的選手，年輕時曾攞過世界賽的金牌，絕對是強勁對手，故今次能奪冠絕非易事。
此外，今（9日）一早就趕往廣西北海工作的方力申，更意外在皇崗巧遇正要前往番禺工作的尹光，並被尹光開玩笑道：「你去遠好多，遠啲人工高啲麻！」而方力申亦搞笑道：「咦，你點知？」此外，方力申亦透露道早前尹光曾預祝他勇奪金牌，有見及此方力申亦主動向尹光表示，自己10日再飛新加坡比賽，對此尹光亦笑言：「再攞過！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
