憑無綫戀綜《女神配對計劃》而人氣急升的李芷晴，芷晴樣靚性格溫柔又身材好，被譽為仙氣女神，昨日（8日）她在社交平台又曬出仙氣照，身穿白色印花吊帶長裙，披了卡其色外套，飄逸脫俗，而她身處面向無敵海景，絕對是靚人靚景，她發文：「太陽伯伯呢兩日終於出番嚟，終於可以同陽光玩遊戲。」芷晴受訪時稱之前跟屋企人去深圳的較場尾遊玩，對這個地方第一個感覺是有點像香港的長洲。對於已完成《女神配對計劃》拍攝工作，她表示因為第一次拍真人騷比較緊張，而且拍攝的行程好緊密，所以完成後有種鬆一口氣的感覺。「不過拍攝最後場景時候，可能因為好感動，同埋開始感受到個節目真係要完結，會眼濕濕，我喊到畀佢哋嗌我做喊包。」她續稱昨日是拍攝完第一日，已經很不捨得，「唔捨得5個女仔嘅相處、唔捨得成班好似大細路咁一齊玩、唔捨得陪我哋一齊奮鬥嘅一班幕後功臣。真係好開心好難得有呢一個機會去參與呢一次嘅拍攝，成個過程其實都經歷咗好多，學習咗好多，我覺得最大嘅得着係我自己個人成長，而且亦都多咗好多嘅關注，希望大家繼續留意我哋女神節目嘅播出」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
