Ava回想當初準備了兩年都未能成功懷孕，開始心急，所以決定多管齊下，除了計排卵日子外，還去看中醫和食很多營養補充劑。Ava最記得當時的中藥很濃稠：「喺Salon整頭嘅時候飲個中藥呢，我真係流淚呀！跟住髮型師問我做咩事呀？你做咩咁感動？我話唔係感動呀，係啲藥太苦呀！」而營養補充劑就一日要食十幾粒。
為了生B出盡法寶，Ava指先生看在眼裡也替自己辛苦：「同埋尤其是失望，即係每個月你都知嗰個日子一嚟到，哎呀，唔中，咁又失望。咁佢都好心痛，都冇咩好幫到手，咁但係我覺得先生係配合同埋支持就好夠，其實要懷孕始終係一個好孤獨嘅旅程。」
被問到會否再生多一個時，Ava隨即決絕地表示唔會，更笑稱：「你呢頭8點講故事氹完呢邊瞓覺，9點又到嗰個，之前加埋晏覺呢，我係覺得我全日都喺度氹緊人瞓覺，所以我已經氹唔到多一個人瞓覺喇！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
