
在無綫戀綜節目《女神配對計劃》中,羅毓儀(Yuki)及林俊其(Kris)是另一Pair網民最愛的「配對情侶」,雖然兩人被拍得街頭拖手仔,但Yuki仍未認定對方為男友。可是由莊思明、莊子璇、何泳芍、王菲、鄧伊婷及「玄學天后」雲文子組成的「女神閨密」花生團中,兼任節目玄學顧問的雲文子大爆Yuki和Kris的緣分是命中注定。
雲文子曾以奇門遁甲為五Pair準情侶批姻緣,認為Yuki同Kris在命宮相生,屬於有緣之人,不過覺得女方性格偏內斂,不太主動,所以如Kris想早日贏得美人歸就一定要「衝」。雲文子說:「Kris要似坦克車係咁進攻先可以得勝!喺奇門卦象中,Kris出現『傷門』嘅卦象,即係佢可能因之前嘅感情事留下好大嘅陰影,令佢唔夠膽衝開自定嘅框框,我又幫佢測過字,見佢用圓圓住啲數字,而其他參賽者就冇嘅,由佢呢啲小習慣就顯示到佢係好顧及形象,好怕行差踏錯,因此每句說話都諗過度過先講,凡事都好小心,咁反而令Yuki對佢冇太大信心。」
至於如何補救?雲文子就提議,因Yuki易缺乏安全感,Kris宜多陪伴女方及加強溝通,更大爆Yuki「神女有心」:「Yuki知道Kris出現『傷門』卦象,表現得好關心,猛問我點算,點幫到阿Kris,Feel到佢用咗『女朋友』嘅身份嚟諮詢我,好明顯係好冧個男仔,其實佢哋都準備好,可以真係去發展吓。」
本文作轉載及備份之用 來源 source: http://hk.on.cc
鍾意就快D Share啦!
|
|