岑珈其接受《香港01》訪問，他認為市面製作確實有減少，但未至於絕望，他說：「我諗係其中一個轉變。」岑珈其明白演員被動，也理解電影寒冬一說，但他認為心態最緊要：「我自己都覺得忙嘅時候太忙，唔能夠學啲咩。咁而家有豐足嘅時間就咪好好運用，我覺得只能調整好自己心態。趁呢段時間得閑就裝備好自己，亦都可以做吓自己鍾意嘅嘢。當初成立足球隊都係想搵到一班志同道合嘅人，咁啱大家都係呢行嘅人，都鍾意踢波咪一齊踢波，所以都冇乜諗太多。咁啱第二個小朋友出世，都係一個好好陪伴小朋友嘅時間。」
岑珈其稱因熱愛演戲才繼續做這行，「我嘅話，係因為演戲係自己最愛嘅夢想同工作先唔想放棄，又唔係因為做唔到其他嘢。」他稱擔心一定有，但以「半杯水」心態調整自己，盡量以積極心態面對，「好感恩我仲喺呢行，呢行仲有人開工，咁即係仲有得做呀！咁睇吓幾時有下一個機會，咁下一個機會嚟到就要好好捉實佢」他認為追夢過程中有「博盡」便不會有「不甘心」。
問到葉念琛提到有演員要從事其他行業搵食，岑珈其認為：「做咩都唔緊要，你點都要生活、維生，我覺得做咩工作都冇問題。同埋我以前咩工作都做過，做過炒散、司機、保險、地產、地盤，所以我覺得要做其他工作維持生活都冇問題。」岑珈其認為如果市道製作持續低迷，也不介意做回老本行。岑珈其現時與朋友度劇本做創作，主動製造機會，他樂觀指：「咩都試吓。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
