不過今日（5日）有周刊就爆料，指姜卓文早在今年2月成功追到居於加拿大的性感網紅CoCo，刊出二人的拖手自拍照。Coco早前曾因在旺角街頭拍攝超性感露股寫真引起網民熱議，據悉姜卓文與她早在五年前已是「網友」，因為二人都在加拿大生活過，故同聲同氣，話題不斷。而今年2月Coco終於回港拍攝寫真，姜卓文便使出猛烈追求攻勢，終將她追到手。
報道指CoCo近期已從加拿大飛回港3次與姜卓文共聚和吃喝玩樂，不過由於男方事業未起飛，目前靠揸Uber賺錢收入不高，所以兩人消費都是AA制。不過報道又指，Coco知道姜卓文參加《女神配對計劃》後嬲到飛起，目前兩人正處於半分手狀態。報道刊出後，Coco更於IG story出post表示：「我只想專注工作」，似有所指，不禁令人揣測她是否與姜卓文感情生變，而她回覆《香港01》記者時就表示：「我同佢5-6年前識，我哋係好好嘅朋友，我一直都支持佢嘅幕前發展。我哋已經有共識，一路都唔係情侶。我而家只想專注我嘅工作，多謝大家關心。同埋，我真係一個small potato，冇諗過幾張相都可以引來咁多關注。如果佔用咗大家嘅資源同時間，喺度講聲唔好意思。」
至於姜卓文，下午時分亦在社交平台回應事件，他指二人確實有好感，曾經約會但尚未發展至正式男女朋友，並強調決定參加《女神配對計劃》前絕對單身。
姜卓文聲明如下：
本文作轉載及備份之用 來源 source: http://www.hk01.com
|
鍾意就快D Share啦！
|
|
|
