藝人曹永廉、蕭正楠及黎耀祥3名「公公」合體前往澳洲拍攝旅遊節目，更登山滑雪一展身手！面對當地的靚景與美食，他們表現雀躍。蕭正楠為免獨自湊B的老婆黃翠如有微言，於網上再三強調「好唔捨得」，語氣令人忍俊不禁。
黎耀祥、曹永廉及蕭正楠（阿蕭）2015年因合作拍攝劇集《公公出宮》成為好友，緊接再合作旅遊遊目《公公出埠》，當年成為無綫電視50周年9部「台慶獻禮」之一，收視更相當不錯。相隔10年捲土重來，3人日前合體飛往澳洲開拍旅遊節目，今次美其名公幹，實際是盡情敍舊兼吃喝玩樂，可謂未出發先興奮。
大隊抵埗數天，目前正集中火力拍攝南澳墨爾本的風土人情，前日3位主角更登雪山學滑雪，對這項運動零認識的他們，膽粗粗穿上全副武裝一展雄風！受訪時他們異口同聲表示：「唔識就去學，不過幾辛苦！」當中年紀最細的阿蕭更笑言：「我嘅人生啱啱開始咋喎，趁機操弗體能，陪住個仔成長呀。」
笑曹永廉「污染」澳洲
黎耀祥則與太太Julia趁機拍拖，開心表示﹕「周圍玩吓囉，學吓滑雪之餘仲會有自駕遊。大家一齊食吓海鮮、講吓近況同心事，真係當去旅行！」曹永廉透露今次會在當地逗留10多天：「一落機已經開心到不得了，我哋3個好夾，工作人員睇住我哋嘅互動已經好開心！」
而阿蕭拍片帶大家逛墨爾本街市，曹永廉「攝鏡」時，阿蕭更搞笑謂：「你污染咗澳洲呀！」他又大晒豪華酒店房，落地玻璃窗外就是靚景，洗手間更如客廳一樣大，名副其實食好住好。
為了不讓老婆翠如詐型，阿蕭當然不忘出Po「表忠」：「今次要放低條魚（翠如）同哈哈（囝囝）去澳洲拍節目，真係好好好唔捨得……大家都見證到我係強顏歡笑啦，我返嚟之前，哈哈你要好好照顧媽咪，千祈唔好餓親佢呀！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
