其實加太賀已不止一次轉手及面臨結業，2022年已有傳出餐廳以1.3億放售9個相鄰舖位，總面積達過萬呎。找人接貨後，加太賀再每月交租經營，不過去年加太賀再傳出停業消息，店方表示只是內部裝修重組，其後重開，同年中以820萬沽出部份舖位，但如今就正式放盤。據指現任老闆會繼續營業至月中，並期望接手者能用「加太賀」名稱繼續經營。
消息傳出後，網民笑言：「懷疑俾洪天明食到執笠😂😂」、「欠落花之戀數都算債權人」由於以往洪天明是《獎門人》賞金獵人，贏過逾2萬件花之戀，但其實執笠明顯跟他無關，因為他早前現身打機達人達哥的直播頻道時，見網民洗版講壽司，他即澄清：「冇食好耐喇！」之後還很有耐性地解釋：「大家誤會，想當年掌門人雖然係有好多花之戀券我係贏咗，但係唔係我自己一個人食嘅，都派晒畀人，自己keep啲，跟住派畀朋友，我一個人點食咁多！」不過他後來就透露，自己十幾年冇去該壽司店，早前帶兩個仔去試試，「十幾年冇去，都係嗰個感覺！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
