商台昨晚於尖沙咀舉行66周年晚宴，當奴以一身《JoJo的奇妙冒險》反派角色迪奧的打扮，但有點衣不稱身，不時要抽褲頭「戚黛黛」，他接受訪問時無奈表示：「我活到半世紀，我發現我個樣都真係衰，戴咗假髮都係醜，我幻想個樣好有型架，仲要被投訴違反商品說明條例。」
阿正以《全職獵人》的阿特祖迪上陣，但被指似《華燈初上》的媽媽生，提到早前為Edan呂爵安演唱會度橋講袚經，阿正表示：「佢起初搵我係話想諗段talk，好想講某一句諧音用「做乜諗嘢」嗰句，我就話佢真係袚經crazy。」阿正又提到演唱會第二場有見到小如豬，更爆「無朋友想睇」所以單拖撐哥哥，十分爆笑。而對於小如豬為Edan初踏舞台跳唱，遭受網暴狠評，阿正表示沒有特地安慰，因為批評不附合現實，大讚小如豬「高EQ」回應，她更激動自爆，「我真係太嬲，忍唔住留言，一句『靚』字！」她笑言作為姑奶，要為小如豬介紹好男生，更表示任中醫的胞弟也是單身，決意要撮合兩人。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
