盧惠光曬出合照，並寫道：「一個晚上！一個飯局！不醉無歸！」相中所見，眾人難得相聚，成龍搭住曾志偉膊頭，而站在後排的盧惠光就雙手舉拇指，心情大靚！盧惠光於老撾出生，為生活和逃避戰亂，19歲時輾轉到香港打工，因崇拜李小龍在求學時期已學習泰拳、跆拳道，其後機緣巧合下認識了「香港泰拳之父」蘇世龍，在對方手下練拳，並於80年代初成為職業拳手，曾連續7屆獲得香港泰拳冠軍！
1987年盧惠光在成家班成員馮克安引薦下，當上成龍的保鑣，並參與電影演出，兩人共事多年，但2009年卻爆出被「炒魷魚」，不過盧惠光曾在接受訪問時澄清：「又唔可以講『炒魷魚』，呢度要澄清係解散。嗰時可以講係人生低潮，直頭低到係黐地下，全部嘢一齊嚟，記住有時人遇到唔愉快或當黑，係會一齊嚟，供樓、讀書又要交學費，銀行供樓要幾萬蚊息，點供？打開銀行簿剩番好似夠一半供樓，就喺嗰時佢（楊紹鴻）叫我入亞視拍兩部劇，收咗張20幾萬支票，解決咗好多嘢。（被人「解散」很無奈？）因為當時搞離婚，公司又上晒北京，佢（指成龍）有問我跟唔跟佢上北京，我第一句乜都冇諗就話唔上，我要睇住兩個仔，話我上咗去兩個仔冇人睇，唔上就冇嘢講，就搵人傾解散，冇咩特別，又唔係話炒你魷魚。」雙方並無交惡！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
