無綫戀愛綜藝真人騷《女神配對計劃》，將於明晚（8日）起一星期播出六集結局篇，每位女神需透過自己組別勇者的字條、於限時40分鐘內找出於某個地點默默等候自己的勇者；如何分配限時的40分鐘，完全取決於女神心意及緣分，在這個回合得到最少分鐘數的5位男士將被淘汰。今集將有3位勇者登場向女神表白，分別是葉蒨文（Sophie）組的林堡熙（Eddie）、羅毓儀（Yuki）組的謝家豪（Cyrus），及關嘉敏（Carman）組的黃家俊（Matthew），在三段表白之中，以Eddie的「不完全4D日本探索之旅」最為感動，而且感動級別直達震撼級。由於Sophie之前曾在節目中透露，很遺憾與前度拍拖6年半期間一直沒有外遊機會；當時聽畢相當心痛的Eddie，為了圓女神心願，竟想到送上別出心裁的「不完全4D日本探索之旅」，令Sophie全程喊個不停，表情極盡感動，兼且一度感動到要抖大氣！
就算完成拍攝後補拍Green Room，Sophie提及時依然淚流不停：「我冇諗過佢咁黐線，佢傻架，好有心囉我覺得份禮物，花好多時間同心力，同埋我見到個誠意，真係好感動嘅…好癲！」、「好癲呀，呢個可能係我收過最浪漫嘅禮物，多謝你」、「好激動呀，消化唔到，救我！救我呀！」除了驚嘆及被殺個措手不及，Sophie更認證了Eddie的真心兼大讚對方是真男人：「喺節目未有定論前，你咁主動做咗呢件事，我覺得好Man，即係一個男人用行動話畀你聽，而唔係用把口去話畀你聽佢嘅誠意。」、「原來一個男人話做，真係可以的起心肝去做，仲可以做咁多，我仲要係都未成為佢嘅女朋友，我會覺得呢份禮物好重。」
這邊廂有Eddie及Sophie攜手炮製淚點及滿滿的浪漫氛圍，另一邊廂的Carman及Yuki則肩負起搞笑重任。全程心繫細John（姜卓文）的Carman，雖然原本搵啱方向搵細John，可惜途中卻陰差陽錯碰上Matthew，更焗住上演了一場「浪漫不足」、卻「活力十足」的約會。為了留住Carman，Matthew 安排了打籃球及打拳活動讓Carman二揀一，之後又教Carman自衞術，其中一招「Knock頸」，更一度令Carman嚇到兼痛到眼凸，果真非一般約會。Carman事後極度無奈：「點解會咁架？我到底發生咗啲咩事」、「唔浪漫咯！」話雖如此，Matthew最後還是以一招、成功留住十萬火急想搵細John的Carman。至於由很久以前已心繫林俊其Kris的Yuki，雖然第一個遇到的是「踢館者」Cyrus，但由於Cyrus不單精心準備了精彩萬分的Cosplay，還預備了一連串與動漫有關的動作問答遊戲氹Yuki開心，令Yuki完全樂在其中忘了時間！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
