天王郭富城近日到馬來西亞宣傳主演電影《無名指》，席間滔滔不絕談「為父之道」，且大方透露將休假1個月以迎接新生命到來，笑言目前要積極搵粉絲錢養家。
郭富城（城城）飛往馬國出席《香港電影巡禮—吉隆坡站》開幕禮，其主演電影《無名指》成為開幕電影，西裝筆挺，配上墨鏡打扮的城城聯同導演孔令政現身盛會，並於映後與觀眾交流，現場反應相當熱烈，歡呼聲不絕，可見城城魅力依然沒法擋。
片中扮演一名落魄壁球運動員的他，因「女兒」許恩怡罹患肌肉萎縮症而選擇逃避。現實生活中城城育有兩名女兒，他坦言起初對角色有點抗拒：「佢好衰、簡直唔係人！」及後被導演成功說服，答應詮釋這個內心複雜的父親角色，且電影上映後口碑不錯，分分鐘有望再次衝擊金像獎影帝提名。
暗示方媛預產期
城城透露自己曾低調帶女兒入場觀賞《無》片：「雖然佢哋仲好細，但睇完之後會主動發問，我就慢慢解釋，呢樣就係我想要嘅親子互動。其實有咗家庭之後，自己都喺度不斷學習，好似如果大寶（大女）教得好，二寶就會跟住學，我做爸爸嘅責任，就係灌輸佢哋更多嘅知識。」
當被問到與太太方媛即將迎來第3胎，是否更努力工作「狂賺奶粉錢」，城城聞言即露出冧爆笑容，表示：「都係㗎！不過我忙完10月成都站演唱會後，就會好好咁休息1個月，要回歸家庭，做個好老公、好爸爸呀！」成都站巡唱將於10月4及5日舉行，故此言一出即間接透露太太預產期不離10月，而城城將於10月26日牛一「登六」，屆時可謂雙喜臨門！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
