藝人馮盈盈、森美、莊子璇（Hilary）、潘靜文及楊梓瑤，等今日（22日）現身深水埗出席無綫時裝設計比賽真人騷《剪裁魔法師2》啟動儀式，擔任主持的馮盈盈及森美身穿華麗服裝登場，雖然未能體驗做Ｍodel，但他們笑言主持福利是能穿上一季節目得獎設計師的設計服裝，又大讚今屆的每個設計師有其獨特風格，令他們獲益良多，森美更笑言：「拍完個節目，我同香港嘅紡織業愈嚟愈埋，我生埋眼挑針，有咩同針線有關係，咪眼挑針。」
森美在台上大讚潘靜文在節目中的新形象，問到盈盈有否對哪一位藝人的新形象感到耳目一新，她說：「我會揀Amina（楊梓瑤），頭先佢喺台上分享，會着一套賽車為靈感嘅衫，係咪大家以為佢會變成賽車女郎？但其實佢係化身為一部賽車，行出嚟嗰陣我哋都嘩一聲，好大膽好有創意嘅設計。」森美聞言即搞笑言：「即刻想抄佢牌。」盈盈又自薦希望如果加開下一季想成為Model，挑戰不同的造型，貪靚的她更自爆經常食花膠和補品滋潤美容。」
提到即將打風，兩人星期四的工作因而延期，森美感慨在AI的科技發展下，天氣台能提早部署是一件好事，而盈盈則搞笑指放工後要盡早回去移車：「我住將軍澳海邊，今日已經收到管理處通知，會唔會考慮吓提前移走架車去三、四樓高嘅停車場泊幾日。」兩人更呼籲有心人可以幫忙托管狗舍中或街邊的流浪貓狗，避免它們受到颱風影響，心地相當善良。
Hilary分享經過拍攝節目後，改變了一開始只考慮會不會買會不會着的想法，而是會了解設計背後的故事，又透露在節目中分別體驗了暗黑、英倫、型格及藝術品風格的時裝，與配對的設計師亦變得熟絡，會互相交流意見和想法。問到如果有下一季，會想成為主持人或再次擔任Model，她就笑言希望做主持人，令更多藝人有機會參與這個獨特和獲益良多的節目。
至於談到Hilary主演的《金式森林》近日在內地率先開播，她就指昨晚才剛看了自己的演出，提到她在劇中的演出被網民狠批一事，問到她會否介意，她則大方道：「我覺得介意又唔會嘅，其實我覺得大家都講得好中肯，我拍嗰陣已經知道邊啲位做得唔好，但係冇辦法，嗰個時候演技太唔成熟，真係自己都唔知點樣去Control自己身體，我覺得人要喺錯誤中學習去進步，慢慢去改變。（所以依家上戲劇班？）其實呢套戲都一年前拍，嗰陣仲要香港清遠兩邊走，嗰個強度都幾大，雖然呢個唔係藉口做得唔好，但係呢一年來畀我知道邊啲位係做得差嘅，都上咗好多戲劇班同埋訓練講嘢，如果下次有機會要做得更加好。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
