葉巧琳憶亡父一度哽咽 喪禮前一晚夢見爸爸：同佢講我會活得快樂 #葉巧琳

歌手葉巧琳早前在IG上載多張父女黑白合照悼念爸爸。葉巧琳寫道：「多謝大家嘅關心，爸這一生都是付出，87年來從來都是為了家人。心真的很痛，但他終於遠離痛 ...

歌手葉巧琳早前在IG上載多張父女黑白合照悼念爸爸。葉巧琳寫道：「多謝大家嘅關心，爸這一生都是付出，87年來從來都是為了家人。心真的很痛，但他終於遠離痛苦，完成一個旅途。爸，想念你！愛你，always！之後再打波ok？#我的心應該不能夠再受打擊了 #要不然」。

歌手葉巧琳早前在IG上載多張父女黑白合照悼念爸爸。（IG圖片）

葉巧琳今日（29/9）現身香港東九文化中心出席有份參演原創粵語音樂劇《一束光——高錕的記憶》記者會。葉巧琳接受《香港01》訪問時一度哽咽表示：「其實心情仍未平伏，因為都係剛剛發生嘅事，同埋呢兩年我係經歷咗太多嘢，相信佢會睇到我嘅演出。」



葉巧琳今日現身香港東九文化中心出席有份參演原創粵語音樂劇《一束光——高錕的記憶》記者會。（陳順禎攝）

葉巧琳否認因父親病重，而突然選擇結婚：「係因為屋企人都年紀大，我都想有個交代，希望可以話到俾佢哋聽，我有人照顧我，叫佢哋放心，咁所以我哋結婚係幾年前嘅事，只係今年先同大家公佈我結咗婚。」



葉巧琳否認因父親病重，而突然選擇結婚。（陳順禎攝）

被問到有否夢見過爸爸？葉巧琳表示：「其實係有，係喺喪禮前一晚，我係夢見到佢，係一個好溫暖嘅環境嚟，變咗嗰日出殯個心情都好平靜少少。（有冇講啲乜？）我唔係太記得嗰啲說話，總之我就有同佢講我會好好咁照顧屋企人，亦都會活得快樂。」



父女感情非常好。（IG圖片）



葉巧琳透露喪禮前一晚夢見父親。（陳順禎攝）

本文作轉載及備份之用 來源 source: http://www.hk01.com

鍾意就快D Share啦！

下一篇 》