現年27歲的俞可程（Kanis）日前自爆發生車禍險死，及後再發文憶述事發經過：「8號風球下，朝早揸車返工，去到龍翔道入彎跣呔架車突然失控，撞上石壆，係無超速下衝力都好大，一撞上去全部airbags彈曬出黎，車外車內都出晒煙，經過嘅車都叫我即刻落車，驚架車着火。撞咗車嘅一刻唔係好知發生咩事，個頭有啲暈耳仔有啲wing，但係都係清醒，即刻攞電話報警，過程中好多車都停低幫手，多謝晒佢哋🥹🙏🙏🙏27歲人，第一次撞車，撞嗰一刻真係以為自己會死，好驚好驚險，但係最後行得走得，都算係只係輕傷，已經係不幸中嘅大幸，亦都係好幸運💕」
俞可程特別鳴謝當日幫忙的所有人：「向所有要喺惡劣天氣底下工作嘅人致敬，真係十分偉大 💓都好多謝幫過我安慰過我嘅所有人🥺 當下好無助，有你哋小小既幫助都巨甚意義，真係好感謝感謝💓🙏」她公開車禍現場及傷口恐怖照片，其座駕白色Tesla撞上右邊石壆，右邊車頭損毀嚴重。另外俞可程（亦有展示左臂傷口，前臂大塊皮膚被剷走，幾近見到真皮層恐會留下疤痕，但她仍樂觀笑說「多咗一個Tesla紋身」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
