1994年香港小姐季軍李綺虹，2004年移居加拿大後，便淡出幕前，更甚少公開露面，去年她復出拍攝電影《今天應該很高興》（Finch & Midland），令不少網民都十分驚喜，近日她出席溫哥華國際電影節，並登上前無綫藝人容羨媛的網絡節目，大方分享其近況。
李綺虹身穿牛仔褸及戴上橙紅色太陽眼鏡現身，老公及21歲的仔仔Tate都有陪同在旁。容羨媛見到仔仔即大讚他高大靚仔，又問是否有興趣加入娛樂圈，李綺虹聞言即笑説：「唔知係認真定（客吐）好似讚吓佢，ok啦，入呢行就算你靚唔靚，你有冇潛質都唔係你話事，我個仔唔靚。」她表示仔仔現時是職業運動員，目標想成為奧運選手，「佢想入國家隊，佢係滑雪射箭運動員，以佢嘅年紀嚟計，喺加拿大Top 10至12，但要去到最Top 4個先可以入到奧運。」
李綺虹現職精神科護士，她透露在學生時期就對心理學有興趣，選美入行後，輾轉再做精神科護士，她直言十分愛這份工作：「呢個係我心愛，好多人話退休，我唔會，我唔係Full time 日日朝九晚五咁返工，我係做幾日放幾日，但我都會幾掛住。（終身職業？）Yeah，我真係好開心，想喺呢個世界覺得自己有用，再有錢啲人都會做慈善，佢哋想做啲嘢唔係剩賺錢。」而她又表示香港是自己出生地方，坦言一直很掛念香港：「Hong Kong is my home.」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
