熱爆娛樂: 阮小儀多年來瘋狂吸金　身家至少逾千萬成「裸辭」底氣 #阮小儀

2025年10月10日星期五

阮小儀多年來瘋狂吸金　身家至少逾千萬成「裸辭」底氣 #阮小儀

藝人及DJ阮小儀今日（10日）在《早霸王》宣布將會離開效力31年嘅電台，10月31日將會係其最後上班日，令不少聽眾表示震驚不捨。對於「裸辭」決定，小儀在節目中強調，是次並非健康理由而離開，表示自己積蓄足夠生活，希望有多點時間陪伴屋企人，以及享受人生。

節目中，小儀透露森美亦有關心其健康、收入等問題，但森美即否認：「我冇擔心你！我搵幾多，你搵幾多！」大笑，小儀也笑：「我嘅係人工係你嘅百分一呀！」森美又說：「我絕對唔擔心小富婆嘅收入。我都有同佢講，我唔會挽留你，因為人有權決定自己嘅人生。唯一一樣嘢，我要做嘅啫：我係咪要搞番個騷呢？」事實上，小儀多年來憑藉其強勁的口才和商業頭腦瘋狂吸金，涉足電台、電視、出書、食肆生意，年賺過百萬，據傳坐擁千萬資產，絕對是不愁生活的黃金盛女。早在2016年，已被拍到小儀駕駛約值34萬的Audi回價值近千萬海景薄扶林的寓所，並有意再置業及換車。