由頂流女星趙露思及陳偉霆合作嘅內地劇《許我耀眼》，於開播後人氣狂飆，趙露思飾演嘅女主心機騙婚富二代陳偉霆，本以為為擄獲真愛迫不得已，卻發現呢場婚姻係雙向利用，而趙露思首次唔做「甜寵女主」詮釋騙婚惡女，最近更因連場喊戲被讚演技大爆發，雖然佢喺國際串流平台排行榜奪冠，喺泰國、越南亦都喺熱博榜單上，但如今越南官方直接宣布下架。
《許我耀眼》於中國及東南亞都有高討論度，但越南突宣布禁播，主要係第16集中，有一幕拍到到包含「九段線」地圖，該地圖被指侵犯越南領土主權，違反當地《電影法》第9條規定，雖然越南第16集未上線，但越南官方文化體育旅遊部電影局僅用1日時間，就將該劇從網路平台下架。
所謂「九段線」，係中國劃分南海區域嘅斷續線，亦係對於南海領土主權嘅強硬表態，但對於此主張，涉及鄰近國家包括馬來西亞、菲律賓、越南、印尼與汶萊等都不予認同，越南更係從不允許「九段線」以任何形式出現於國內。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
