前港姐亞軍朱慧敏情路坎坷，終在2021年覓得好歸宿，嫁給心臟名醫陳良貴。曾揚言要生夠4個的她，前年誕下囡囡Shera（乳名：娃娃），今年4月再誕一子Aten（乳名：Yeah Yeah），三年抱兩成功湊成一個「好」字。朱慧敏近日在半山豪宅與子女一齊做直播，分享湊仔日常，鏡頭前意外拍到她穿着爛衫，背面腋下位置開了一個像拳頭般大的破洞，旁邊還有一個小洞，完全不顧醫生太太形象，樂做平凡師奶仔。
直播期間，朱慧敏束起前額頭髮，穿上灰色長袖衫配黑色闊身褲，打扮極為樸素。她教囡囡要有禮貌，在鏡頭前跟「哥哥姐姐」打招呼，透露剛出席女兒朋友的生日派對，笑說：「因為叫化妝師幫我化晒妝，一如以往，化咗妝唔好嘥，所以見吓大家（直播）。呢個就係我真實湊小朋友情況，因為爸爸返咗工，呢個就係我真實平時一個湊兩個小朋友嘅實況喇！」
只見兩個小朋友都好活潑，大女走來走去，又爬上梳化，未滿1歲的囝囝亦開始識爬，搞到朱慧敏要在鏡頭前跪地，又在地上爬來爬去，試圖抱回小朋友入鏡頭。有眼利網民發現朱慧敏的衣衫破爛，背面右邊腋下位置有一大一小破洞，紛紛留言提醒：「媽媽你件衫後面好似爛咗啊」、「可能係新款式，特登設計。」不過，朱慧敏未有理會，全程笑笑口繼續照顧子女，陪囡囡唱歌仔，等待老公放工回家，就倆夫妻分工合作，安排小朋友沖涼和看電視。朱慧敏曾透露屋企沒有聘請工人，證明她真的很慳家，生活非常貼地。
陳良貴醫生是出名的愛妻號，有指曾送價值百萬的藍籌股作為求婚禮物，以及半山豪宅的門匙和附屬卡作為定情禮物。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
