藝人劉小慧在1997年與蘇志威結婚，婚後育有兩女，一家四口幸福美滿，然而劉小慧當年與郭晉安的5年舊情，久不久便會被搬出來談論一番。有傳當年郭晉安曾向小慧求婚，卻因人窮而遭拒絕，他又曾在訪問中直認因第三者介入而戀情告終。
近日小慧接受好友鍾慧冰的網上頻道訪問，罕談與郭晉安的關係，劉小慧坦言很感恩人生中有過這位男朋友：「我哋拍咗拖大約5年，佢擺咗我喺一個好重要嘅位置，到最後我選擇咗離開，冇同佢一齊走落去，我哋經歷咗好多嘢，我唔知點解外界作咗咁多嘢喺呢段感情，我係絕對對得住呢段感情。」
小慧認為拍拖就是一個「試用期」讓彼此了解，合則來不合則去，尤其她特別注重小朋友在原生家庭成長，她不敢承受夫妻離異影響子女的風險，所以務必要選擇最適合自己的伴侶，她說：「日子耐咗，人會變、人會長大，通過唔同嘅經歷，想法都會改變，大家唔同步，去到某一個位都會停，但起碼喺當下嗰刻揀咗先，揀個最啱畀自己。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
