《金式森林》11月6日晚一集焦點當然是羅子溢與何依婷床戲，劇情講述善荃（何依婷飾）被揭育有私生女、此事成為高深（羅子溢飾）逼令學禮（何廣沛飾）放棄將方仰天（郭晉安飾）的醫療報告呈上法庭的籌碼……為了補救，善荃企圖用美色交換高深收手，但最終慘食檸檬……
羅子溢何依婷親熱激吻床戲
雖然子溢與依婷的親熱及床上戲在劇中只是想像畫面、但過程依然激烈、連番熱吻及纏綿畫面在內地播出時已引發廣泛討論。談到拍攝過程，依婷接受官方訪問時透露由於事前與子溢做足溝通，拍攝過程快速又順利，並笑封子溢是「床戲專業戶」：「子溢係一個好好嘅前輩，佢係『床戲專業戶』，所以喺拍攝前佢會同我溝通好晒佢陣間會做啲乜、盡量搵一個令我覺得舒服嘅位去做。」
依婷續指：「佢對場戲有佢自己嘅理解同演繹方式，我聽完都完全跟咗佢個意見去做，所以成個過程拍得好快。其實只要跟住個Flow去，就冇覺得唔舒服、或者好難去完成或者好尷尬。所以真係好多謝佢，呢個係我第一次拍床戲，之前真係完全唔識，今次同佢合作完都令我冇咁驚呢件事。」問到老公有否詐型，依婷感恩老公很支持：「我收到劇本時，已第一時間同佢講呢件事，佢都支持我嘅工作嘅，同埋出咗街我哋有一齊睇，佢完全OK冇問題。」
何依婷回憶兒童主持盡顯母愛
另依婷在劇中與私生女Jasmine（小演員沈芊羽飾，乳名竹竹）的互動亦值得關注。劇中，依婷與小演員竹竹有不少對手戲，每次依婷都展現了超強母愛，不但聲線溫柔、眼神亦盡是關懷。
不過據知，依婷與竹竹合作拍攝時，還未得悉自己懷孕一事，對此依婷笑言現在回想起，覺得整件事都是「奇妙的緣份」：「好似係天賜嘅禮物咁，戲入面有個女，點知現實中上天都賜咗個女畀我。」依婷續指，與竹竹的合作，令她回想起當年做兒童節目主持的點滴：「啱啱入行時，我做咗大概一年幾到兩年嘅兒童節目，當時成日都要同小朋友相處，所以變咗都會識得點同劇入邊嘅囡囡相處，每次大家見面都好開心。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
