大埔宏福苑26日發生五級火，全城痛心疾首，其中藝人洪卓立原定於11月30日《洪卓立探索者巡迴音樂會香港站》，在旺角麥花臣舉行的音樂會亦宣布延期舉行。
而今日（30日）凌晨，洪卓立亦透過社交網感慨道：「有朋友覺得我好黑仔，同麥花臣八字唔夾，次次都開唔成，但請原諒我真係無咁專業、堅強，可以照開音樂會專心唱歌比大家聽。」並表示時隔6年香港開唱，自己相當期待的同時，同事、樂隊及導演組亦辛苦地籌備數月時間，但無奈是次事件嚴重，可以的話自己更寧願取消演出換取事件從未發生過，直言自己無法如常演出，深怕會在台上情緒崩潰：「實在想像唔到上到台用咩心情去唱歌，諗咩畫面去畀自己唱歌？確實呢一刻好多人都需要放鬆，包括我自己，（但）如果我自己都唔開心，又點享受舞台？點樣可以娛樂到大家？」並感謝公司及主辦方的決定外，亦希望已買飛的粉絲可以理解體諒。
同時，洪卓立亦道歉道：「亦請原諒我嘅癲癇，去唔到現場幫手，實在怕去到現場咁多人，Touch wood我太緊張發作，會增添混亂，只能夠叫做捐少少錢，盡量幫手push、repost」最後更直言開放做「發洩對象」任鬧唔嬲。然而，洪卓立的善心舉動，卻引來眾人支持，有粉絲表示：「我一定等你，我唔會退飛，上一次演唱會我有買飛，我都可以等，今次一樣可以等！」引來洪卓立回應：「雖然我唔知你係邊個，但多謝你，不過我都預咗短期內唔會開得到香港站，因為場地無期，坦白講我嘅工作亦都安排到下年年底，都以都係Focus喺點樣幫手啦」。似乎透露是次演唱會將會無限期暫緩。
他今日再發文，指多謝各位關心自己並無大礙，只是有感而發放負：「情緒需要出口，如果大家想輕鬆吓，不妨買飛支持照常舉行嘅音樂會/演唱會/舞台劇，畀自己放空休息，跳出個沉重嘅心情幾個鐘，我相信台上嘅演出者其實都未必好受，但尊敬佢哋，除咗捐出收益做善事，亦可以令大家有位置放鬆放空休息幾個鐘」。
他再強調延期並非因門票滯銷：「我哋並不是因為甚麼滯消而延期，甚至可能取消，只係我哋覺得依家呢個咁沉重嘅時間，完全唔適合去做我呢個音樂會嘅主題，而我亦預咗短期內都做唔到香港站，因為場地無期，小弟嘅工作托賴亦安排到下年年底，好難再短期內夾到香港站」，又指不希望工作人員的努力被抹煞：「你唔鍾意我，覺得我唔紅、過氣、唱歌難聽冇料，完全都可以，但唔代表我哋冇努力，母親大人想要多兩張飛都拎唔到畀佢，慶幸仲有一班陪我一樣等咗6年嘅老朋友，而延期甚至乎取消，公司、主辦、導演組係都要賠錢」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
