無綫花旦陳煒曾在情路上迷失自我，又因世俗目光而隱瞞離婚，如今收穫美滿婚姻的她學懂跟老公坦誠相對，笑言老公對其朋友圈及合作夥伴皆瞭如指掌，所以從不干涉她拍親熱戲。
陳煒在台慶劇《巨塔之后》的角色因愛生恨，最終踏上復仇之路，現實中其情路同樣崎嶇，如今擁有幸福婚姻的她坦言過往曾因不合適的人上了深刻一課：「好似前夫，大家相處完發現唔適合，但冇辦法，你唔可以將所有責任歸咎對方，自己都有責任。當然有唔捨得同唔甘心，但總有一日自己會諗通。」當年她為愛移居台灣及息影，作出不少犧牲，如今回首，她形容當時是「當局者迷」，清醒後才驚覺「不對路」：「我好似冇咗自我，為佢而活咁，咁係唔健康，亦唔係一件好事。人係要為自己而出發，亦唔可以冇工作。」
離婚後，陳煒一度難以接受，並對外隱瞞離婚事實多年，她直言不願被貼上「失婚」標籤，亦怕回港拍劇被投以同情目光：「我都要啲面子，而且我同前夫嘅關係唔差，仲有聯絡，當時雙方有諗過復合，所以冇承認離婚。」她最終釋懷放下，全因前夫推薦的心理學課程讓她開竅，如今顧及現任老公的感受，她跟前夫已沒有聯繫。
克服讀寫障礙背劇本
從這段失敗的婚姻中，陳煒學會珍惜與坦誠：「以前唔會講太多內心感受畀對方聽，久而久之就冇嘢講。依家先生係我最好嘅朋友，佢係我第一個傾訴嘅對象，大家好了解彼此嘅朋友圈，信任度同坦誠度好高。」她甜蜜表示老公不會限制她拍攝親熱戲，但前提是要先認識劇中男拍檔，了解對方的為人。
事業方面，陳煒同樣克服了不為人知的挑戰，自揭患有讀寫障礙：「我睇文字好慢，讀劇本需要逐句去分析，先可以記到對白。」她憶述當年拍攝劇集《宮心計2深宮計》中文縐縐的長篇對白，對她而言是極大挑戰，成功克服後視為「成就解鎖」。談到多次與獎項擦身而過，她稱雖然人生無欲無求，但對獎項仍然期待：「攞獎冇年齡限制，最重要係際遇同運氣，希望可以遇到更有代表性嘅角色。可能年紀再大啲，唔會再有主角做，我唔介意角色戲份多少，最重要係有發揮。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
