▲張頴康宣布與TVB結束19年賓主關係。
【張頴康 / 麥雅緻 / 離巢】有份參演早前大結局的TVB台慶劇《巨塔之后》的張頴康宣布離開TVB！現年43歲張頴康在今日（11月10日）凌晨於個人社交平台發文，宣布與TVB結束19年賓主關係！
首先，張頴康上載數張在拍攝劇集時與台前幕後的合照，並寫道：
再見了TVB！所以喺TVB嘅最後一日，影咗啲相留念！
19年，真係一個唔短嘅日子！拍完最後一個鏡頭，原來眼淚真係會忍唔住留咗出嚟！
反黑英雄丨張頴康獲封「無綫御用好老公」 麥雅緻讚丈夫：照顧小朋友好好
張頴康離巢︱感謝劉德華提攜
然後，張頴康感謝前輩劉德華、林家棟，以及在TVB曾提攜他的監製，表示：
19年前，華哥（劉德華）安排咗我加入TVB嘅訓練班，希望我可以好似佢同家棟哥哥一樣，接受TVB木人巷嘅訓練！我好記得入TVB前，家棟哥哥同我講咗句說話：「入到去，乜都唔好理，耷低個頭就做，你一定會學到嘢！」
確實，遵從呢句說話，19年後我真係成為咗一位實實在在嘅演員！多謝華哥同家棟哥哥！
同10年前我攞飛躍進步男藝員上台時講嘅一樣，我要多謝家豪哥，小青姐，黃偉聲，張乾文，陳志江，方俊釗！多謝你哋俾咗好多機會我，成就我演出咗多個感動到觀眾嘅角色！
喺最近呢幾年，我好慶幸可以同77工作室合作多部劇集！我特別要多謝佳哥（鍾澍佳）對我嘅支持同鼓勵，令我愈演愈有信心，讓我喺呢兩年內對演戲領會到另一個層次！
![]()
張頴康離巢︱感恩入TVB認識麥雅緻
最後，他感謝觀眾及感恩因為入TVB，由此可以與麥雅緻結緣並成為夫妻，稱：
多謝TVB！多謝你俾咗我一個咁好嘅平台，讓廣大嘅觀眾認識到我呢位演員！多謝你俾我認識到我眼中獨一無二嘅 東張女神麥雅緻，然後仲成為咗我嘅老婆，俾咗我一個幸福完美嘅家庭！
好喇！19年後嘅今日，我終於可以好自豪咁講一句：「我張頴康，係劉德華同TVB栽培出嚟嘅演員！」
各位戰友，江湖見！
##haha之家
陳自瑤、孫慧雪、楊潮凱、姚子羚、馬國明、林夏薇、 陳楨怡、蔡思貝等紛紛留言送祝福。張頴康剛完成與馬國明合作的劇集《玫瑰戰爭》拍攝工作，此劇成為他在TVB的告別作。
張頴康離巢︱曾獲「飛躍進步男藝員」
現年43歲張頴康因就讀中六期間教小朋友跳彈床而獲劉德華公司同事發掘和引薦見面，協助他完成《劉德華夏日Fiesta演唱會2001》中跳彈床的環節，後更獲羅致為旗下藝人。在2006年，他經劉德華推薦下加入TVB，一直當一些閒角，直至2012年於劇集《回到三國》飾演「范根」開始受觀眾注目。
在2016年，張頴康更奪得「飛躍進步男藝員」。而他的代表作除《回到三國》的范根外，還有《一屋老友記》的三寶、《逆天奇案》系列的Marco等。
另外，張頴康在2012年11月8日與拍拖4年的麥雅緻結婚，成為公認的圈中模範夫婦，二人育有一女兩子，組成一家五口的幸福家庭。
最新影片推介：
🔥講座報名｜精神食糧揀定未?一齊入貨齊抗壓，重啟與子女對話 Ben Sir講座接受報名啦!【詳情及報名】
🔥講座報名｜想知直私人氣小學收生TIPS?!「升小選校及面試攻略講座」接受報名(仲有即場升小模擬面試評估‼)【詳情及報名】
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品! 詳情:https://event.hket.com/article/3965561/?r=mcsdediart
|
鍾意就快D Share啦！
|
|
|
