影帝任達華與老婆琦琦所生的愛女任晴佳（Ella），遺傳了父母的優良基因，身材高挑並美貌出眾，加上讀書叻，簡直美貌與智慧並重。不經不覺，任晴佳迎來21歲生日，她在社交網晒出慶生照，並寫道：「birthday love ❤️🔥」相中所見，晴佳身穿紅色露膊短裙，手抱大紮紅玫瑰，心情大靚！
任晴佳自小已獲父母悉心栽培，曾讀香港拔萃女書院及新加坡國際學校，直至14歲到英國留學，現時就讀倫敦大學經濟學院，該校被譽為「世界一級的高等教育與科學研究機構」，於全球政、商、法、學界極負盛名，更與牛津大學、劍橋大學、倫敦帝國學院、倫敦大學學院並稱為G5超級精英大學。
任達華曾表示將來會讓女兒自由發展，並支持女兒做任何事：「佢自己其實好鍾意讀書，亦好鍾意AI，呢個係佢選擇，我冇所謂，只要有適合或者自己鍾意嘅，我係保持一個開放嘅態度，佢鍾意做乜嘢就做乜嘢，最緊要開心。」有傳有「娛圈樓王」之稱的任達華，將名下30多個海外及香港物業留給愛女。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
