他坦言，上年未預期到自己能夠獲獎，所以當時並未有準備感謝詞，認為是「做得唔係咁好」。「所以我奉勸今年所有有提名嘅人都要諗得獎感言，包括我自己。如果我有機會得獎，我想講我向來都唔係一步登天或者一炮而紅，我係每下都係一步一腳印，所以我好感謝每一個步伐，畀我去行或者信任我嘅人，或者投票畀我嘅人。當然要多謝老婆同個仔。」
上年在《東張》感謝宴中，區永權曾言：「我冇嘢要求，我唔需要加人工，因為我為興趣啫，服務大眾。」他解釋說，當時與其他同事都商議好講爆炸性的言論，所以他就想到了這番話。不過！他笑言，解釋當時是指「成年唔使加人工」，而其實人工是每年一次，所以純粹是「搞吓氣氛」和「捉字虱」。
那麼，後來有沒有加人工？他回答：「其實係有加，哈哈哈。多與少就唔講啦。幾多都唔緊要，只要有加再頒個獎畀你，其實係好過你加唔知幾多倍人工。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
