藝人方力申於今年情人節宣布與圈外女友葉萱（Maple）於美國結婚，，二人又於父親節當當日公布Maple懷孕喜訊，一轉眼，今日（12日）方力申再有好消息，愛女Isla已經提早平安出世，母女平安。
方力申上載片段，由入院準備到BB出院過程會公開。片中除咗見到Maple化好靚妝等愛女出世，過程中方力申亦貼心為驚人畫面打格，佢自己亦親手剪臍帶，又半裸上身同Isla Skin to skin抱抱，慈父一面表露無遺，令人感動。
方力申留言：「今日原本係我太太Maple嘅預產期，但係囡囡Isla太心急想見我哋，所以早幾日已經出咗世喇。醫生有幫Maple打咗支佢話都唔算好痛嘅無痛分娩針，令到佢生產非常順利。Isla出世嘅時候有少少發燒，醫生叫我哋唔使擔心，並即刻幫Isla處理，當晚佢已經退燒。Isla出世到今日，個樣日日都喺度變，前日似我，尋日似我，然後今日竟然似阿媽，但之後又似番我，真係太神奇。2025年對我同Maple嚟講真係太特別，整個經歷，由結婚後Maple話可以生四個，到懷孕期間太辛苦佢就話最多生兩個，然後依家Isla 出世之後，過程得到咁多support，佢就話可以生住三個先。嘻嘻，多謝晒，第四個等我遲啲再爭取，我哋一兩年後再見！」而Maple同囡囡Isla已經出院，一家三口更已經影好全家福，睇嚟方力申已經同Maple settle好晒，非常幸福。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
