萬眾期待，《中年好聲音4》昨日（11日）終於開波！節目中除出現了來自內地的「五燈大魔王」，曾經以歌手身份在2004年出道的陳逸璇也有參賽。她以一首《夜夜夜夜》就獲得評審的好評，獲得除周國豐以外的4燈成績！
評判張佳添表示，20年前曾替她監製過歌曲，大家識於微時，也大讚她發揮得好好：「等你可以輕鬆駕馭，而你呢一段時間閱歷，比起20年前嘅你，多咗一份滄桑感多咗一啲人生閱歷滲入去，我完全feel到。」評價相當之高。陳逸璇也表示，出道時被讚有技巧而欠缺感情，現在參賽，希望讓大家見到一個「講故事的陳逸璇」。不過，節目中就沒有周國豐的片段解釋沒有「畀燈」。
陳逸璇於16歲時暑假曾任職模特兒，後在美國畢業回流香港後，以歌手身份簽約環球唱片出道，後來憑與李克勤合唱《合久必婚》而走紅。這首歌當年為大家唱K必點的其中一首金曲，直至早年李克勤演唱會中，炎明熹擔任嘉賓時也和李克勤合唱這首歌。
後來，陳逸璇轉簽娛樂公司，並由陳苑淇轉名為陳逸璇。出道多年來，雖不時有新作，甚至2018年重新簽約環球、2023年又離開，但星途一直都不算亮眼。早前她接受訪問時，就曾透露自己參賽的原因：「舊年人生係最挫折嘅一年，無論係愛情或者事業，情緒陷入低谷，完全冇動力做任何嘢，我發覺只有音樂先可以令我搵返人生目標，喜悅，衝勁同意義，所以嚟參加。」
節目中，她以財務策劃師自居，顯然多年前已放低了歌手身份。訪問中，她也透露今次參加《中年好聲音4》為最後的嘗試：「如果我嘅唱歌事業或者演藝事業要完結，我覺得喺返一個比賽入面完結都幾圓滿。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
