龔嘉欣無劇拍成年 整裝待發4月開工拍劇：要操返體能 #龔嘉欣

今日（12/1）無綫在將軍澳電視城舉行煮食節目《在家宴客60道菜》宣傳造勢活動，由龔嘉欣聯同「煮食天后」肥媽（MariaCordero）及李家鼎一同主 ...

今日（12/1）無綫在將軍澳電視城舉行煮食節目《在家宴客60道菜》宣傳造勢活動，由龔嘉欣聯同「煮食天后」肥媽（Maria Cordero）及李家鼎一同主持。節目延續第一季輕鬆溫馨的家常菜風格，三人將合作示範多款宴客菜式，分享入廚秘訣與生活點滴。

龔嘉欣聯同肥媽（Maria Cordero）及李家鼎，於電視城出席煮食節目《在家宴客60道菜》宣傳造勢活動。（陳順禎攝）

龔嘉欣接受《香港01》訪問時，笑言自己雖然「一年無劇拍」，但並非停工休息，而是希望嘗試更多元的表現形式：「做主持係另一種挑戰，要考即場反應、同嘉賓互動，成長好快，同埋我又有去登台唱歌，其實我一直都無停落嚟。」



龔嘉欣活動上示範劏蟹。（陳順禎攝）

有指龔嘉欣今年4月重返拍劇，她表示現在整裝待發：「今次套劇係咩題材，暫時係未知，反而我最想就係操返自己嘅體能，始終拍劇係有間斷，變咗我而家開始操返自己個體能。雖然成年無拍劇，但對我嚟講無影響，反而我覺得呢年令我學識咗點樣去做主持，同埋去吸收唔同範疇嘅嘢，對我嚟講係一件好幸福嘅事嚟，令到我全能一啲，因為做主持都真係唔易做。」



龔嘉欣接受《香港01》訪問時，笑言自己雖然「一年無劇拍」，但並非停工休息，而是希望嘗試更多元的表現形式。（陳順禎攝）



龔嘉欣對上拍攝的一套劇集已經是2024年中的《香港探秘地圖》，也是她現時在TVB僅有一套的存貨。（資料圖片）

本文作轉載及備份之用 來源 source: http://www.hk01.com

鍾意就快D Share啦！

下一篇 》