從影逾70年的91歲老戲骨羅蘭，去年底無預警離巢TVB，引起外界關注。而於去年出席劇集《金式森林》宣傳活動時，羅蘭亦撐拐杖現身，步伐緩慢嘅佢移動時更需要旁人攙扶，雙腿近小腿位置更被發現有明顯凹陷，身體狀況令人擔憂的同時，去年底更傳出羅蘭在家跌傷入院，並留醫住院8日，近況再度掀起關注。
而與羅蘭因劇結緣的張國強，日前就喺社交網晒出同羅蘭飲茶嘅合照道：「她認真教我如何擺姿勢拍照。」相中所見，羅蘭一時托腮、一時嘟嘴，又大擺心心pose，相當精靈之餘，狀態不俗。
對於小腿凹陷一事，羅蘭亦解釋係戲服問題，強調係對襪頭箍得太緊，導致有咁嘅情況出現，更一度形容嚇親人。羅蘭澄清自己沒有腳部水腫和三高的問題，各項指數正常。此外，曾喺訪問中表示冇打算退休嘅羅蘭，透露被醫生告誡，如果停止工作嘅話，腦袋亦會隨之衰退，因此佢一直堅持繼續拍戲，多年嘅演出經歷亦令佢喺2002年《萬千星輝賀台慶》中榮獲「萬千光輝演藝大獎」。
事實上，從1939年代出道演粵語長片至今，演藝生涯逾80年並仍活躍於幕前嘅羅蘭，陪伴咗無數觀眾成長，其中1993年喺電影《七月十四》首次飾演能預知和聯絡鬼魂嘅靈媒「龍婆」一角，成功打開知名度之餘，其出色表現令佢獲得兩屆《香港電影金像獎》「最佳女配角」提名，「龍婆」一角更反覆出現喺恐怖片《陰陽路》系列內，成為香港恐怖片的標誌人物，並被網友封為「香港鬼后」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
