盛傳是Kelly親叔？
外間一直流傳一個「都市傳說」，指陳惠敏與陳慧琳有着親戚關係，甚至傳言他是Kelly的叔叔或姑丈，亦有指因為這層關係，令陳慧琳在圈中無人敢動她。影片中，有工作人員代網民提問：「見到好多粉絲問，關於你喺娛樂圈有趣啲嘢，其中經常被人問嘅係，你同陳慧琳係咩關係，你今日可唔可以答一答呢？」陳惠敏聞言即一臉認真地澄清：「好啊，我而家話你聽，其實我同陳慧琳真係無親戚關係。」
雖然否認兩人有親戚關係，但陳惠敏透露與陳慧琳的父親相識，並對陳慧琳這位後輩讚不絕口：「只不過佢老竇，我哋見過面，而且陳慧琳呢個女仔非常非常好，我哋大家都好尊重佢，根本我哋就係無親戚關係。」
一句「霸氣說話」惹誤會
工作人員追問，既然兩人無關係，為何那麼多人傳他們是親戚？陳惠敏隨即解開這個多年的「都是傳說」。陳惠敏回憶道：「因為嗰時陳慧琳啱啱彈起（走紅），我曾經講過一句說話：『你搞邊個都好，唔可以搞陳慧琳！』呢個女仔非常好，我哋個個都好尊重呢個女仔。可能因為咁，就以為佢係我親戚。」
陳惠敏表示，陳慧琳父親是經營珠寶生意，雙方曾見過一、兩次面，而且現在陳慧琳在電影界及娛樂圈的成績也有目共睹，大家都很認可她。沒想到這番說話令外界產生誤解，網民紛紛知道「真相」後，紛紛留言：「陳慧琳真的是一個很乾淨的女生」、「感謝大佬叔叔對Kelly的讚賞」。亦有心水清的網民突破盲腸，笑指：「陳慧琳鄉下係上海，陳惠敏鄉下係廣州，真係大纜都扯唔埋」，不過亦有人戲言「同姓三分親」，算起來也是同一個祖宗。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
