藝人麥明詩今日（13日）現身金鐘出席品牌活動，以一身紅色長裙艷麗亮相，狀態大好。她受訪時表示已開始適應新手媽媽的身份，感慨既辛苦又甜蜜，又指雖然兒子現在食得瞓得，生理上已完全適應，但自己開始在教育方面感到壓力：「佢年紀都已經10個月，要開始諗返學，我啲朋友已經問，喂你報邊個學校，去讀國際學校定傳統學校，呢啲問題要開始思考」，又笑言自己是「教育首席官」，而老公則是「娛樂首席官」，負責花時間陪囝囝玩。
問到她是否「虎媽」，麥明詩即耍手擰頭否認：「唔可以咁講，我係一個有規劃嘅阿媽」，續指希望在囝囝仍細時，把握他學習最快的時間，讓他接觸更多不同的新事物，因此早前已三次帶囝囝去旅行，有助他身體的發展，她又分享第三次旅行時，乘坐由老公擔任機師的航班，因此全程都只能靠自己去照顧囝囝，雖然有壓力，但幸好機程短，囝囝亦已有上兩次經驗，最終成功安全渡過。
談到教育方面，麥明詩表示由於自己媽媽亦從事教育行業，因此囝囝已在婆婆的教育中心上playgroup，又笑言兩人的關係很特別：「佢知道同婆婆相處有啲Task要做，但佢又好鍾意同婆婆一齊，因為婆婆比好多關注佢，所以好開心得嚟又要做嘢。」而問到囝囝的性格，麥明詩就認為比較似自己，對任何事都很堅持，但相信經過循循善誘，堅持會化做學習的動力，又分享近來囝囝在她與婆婆的合作教導下，學會自己食飯，希望培育他的獨立性，同時亦建立到他的自信心。
至於問到她會否想再生多個，麥明詩表示：「我近期都睇緊時間，我覺得我哋都適應到依家新嘅節奏，好多人回想返嚟都話，不如就一次過，反正都洗濕咗個頭」，直言有計劃再生多個，並坦言希望追返個囡，湊成一個「好」字，大讚女兒比較細心和靠得住，又可以陪她聊天出街，更希望把靚衫靚首飾傳承給女兒。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
