(Getty Images)
英超「曼市打吡」，新帥卡域克領軍嘅曼聯主場迎戰曼城，憑有效快速反擊，曼聯以2比0擊敗曼城，卡域克首戰旗開得勝，全取3分後暫時升上第4，殺入歐聯區域，曼城輸波後繼續落後阿仙奴6分排第2。
曼聯今仗有麥比奧莫及阿密特迪亞路踢畢非國盃歸隊，曼城亦有新兵安東尼施美安轉會後首次在聯賽披甲，雙方一埋牙就鬥攻，其中改打防反嘅「紅魔」攻門較到肉，上半場就有阿密特迪亞路同般奴費南迪斯單刀送球入網，可惜兩個入波都食詐胡；「藍月」鋒霸艾寧夏蘭特同菲爾科頓表現沉寂，反而安東尼施美安有起腳機會，半場「窿對窿」。
下半場曼城變陣，換入卓基同尼高奧萊利，不過局勢變化唔大，仍然係曼聯攻門較具威脅，包括阿密特迪亞路、卡斯米路同麥比奧莫先後埋門，但都過唔到基安盧基當拿隆馬十指關。戰至65分鐘曼聯終於領先，一次快速反擊，般奴費南迪斯送直線，麥比奧莫單刀射入領先1比0。
76分鐘曼聯擴大比數，後備上陣嘅馬菲奧斯根夏右路底線傳中，柏德列多古門前撞入，曼聯贏到2比0，臨尾美臣蒙特亦送球進網，可惜又食詐胡，不過曼聯仍以2比0獲勝。
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
