▲踏入新一年，前港姐胡家惠公布新戀情，向TOPick親揭「霸氣總裁」表白經過！
【胡家惠/香港小姐】2002年港姐季軍胡家惠（Cathy）情路坎坷，經歷第一任丈夫出軌後患上躁鬱症，之後認識第二任丈夫重新生活，豈料去年11月宣布再度離婚，但她選擇堅強面對，並帶著兩名女兒移居上海，成為最強單親媽媽！直至日前Cathy貼上一張依偎男士臂彎的照片，火速宣布有新戀情，Cathy接受TOPick訪問時，就大方分享男友的霸氣表白過程，原來對方猶如「Super Hero」般打救她！
香港小姐胡家惠｜去年11月宣布再度離婚 做最強單親媽
Cathy去年底宣布與第二任丈夫Manfred Lau離婚，她當時指過去6年的美好生活要完結了：「他說他照顧我們的任務已完成，現在需要下車追尋他的個人理想。」她又堅強表示：「餘下的旅程我將會和兩個女兒一起探索，期待展開美好的人生下一頁。」
香港小姐胡家惠｜新一年大方宣布新戀情
回復單身不足兩個月的胡家惠，日前在社交平台大方公開新戀情，她上載一張依偎男士臂彎的合照，甜笑留言謂：「珍惜你的人，你甚麼也不用做，他也會好好保護你…#謝謝你20年來的守護#從好朋友開始原來是這樣的#霸氣總裁的臂彎。」
最新影片推介：
香港小姐胡家惠｜親揭男友身份 揭對方霸氣表白過程
事後Cathy接受TOPick訪問，也大方承認已覓得第三春，還開心分享兩人相識經過：「我20幾歲嘅時候就識佢（男友），我哋喺2006年就識喇，所以真係足足20年。」Cathy形容男友是自己軍師：「佢知道我離婚，平時我拍拖、失戀，或者一啲狀態，甚至離婚，其實我都有搵佢傾，因為佢係我嘅Buddy、係我嘅軍師。但係今次同佢分享我離婚呢件事呢，佢就即刻飛嚟上海，佢話唔可以再畀人蝦我，唔能夠再有另外一個男人令到我喊，所以佢要好好保護我。」
香港小姐胡家惠｜「霸氣總裁」Man爆：呢個女人我自己攬返！
「霸氣總裁」更「Man爆」對Cathy說：「呢個女人我自己攬返喇！」最終憑霸氣宣言奪得芳心，Cathy續說：「佢話要好好咁照顧我，因為佢以為我一直都過得好幸福，所以佢以前冇同我講（佢嘅心意）。其實好搞笑，因為佢身邊同我身邊一啲Common friends（共同朋友）都知佢鍾意咗我咁多年，但佢一直冇講出嚟。」
香港小姐胡家惠｜男友默默守護自己20年 外型斯文穩重
Cathy指兩人展開戀情是一個甜蜜的開始：「感覺好特別，因為係一個識咗咁耐嘅朋友開始一段戀情。」她大讚男友很包容她，亦是陪住她長大的人，更默默守護了她20年，讓她大為感動：「因為佢睇住我成長，20、30、40歲，佢見證住我嘅變化。佢唔介意我而家40幾歲、有兩個小朋友，因為佢知道我成個經歷同過程。成件事都好Sweet，希望大家都會祝福我哋。」
此外，Cathy向TOPick分享與「霸氣總裁」的合照，見到男方戴上眼鏡，感覺斯文穩重，其中一張戴頸巾的照片，看起來更帶點Oppa的感覺，與Cathy郎才女貌，外型非常合襯！新一年新開始，祝福Cathy幸福快樂！
相關內容：
離婚港姐｜胡家惠宣布第二次離婚 「最醜港姐」再婚變靚成商界女強人：經歷可拍40集連續劇
【第二人生】曾被封「最醜港姐」遇前夫出軌患躁鬱症 胡家惠帶兩女再婚成商界女強人
🔥免費索取「升小一選校及面試攻略班」影片【送升學面試攻略本】【點擊索取】
🎓TOPSchool全港中小學校搜尋器，比較+收藏心水學校，入HKET App即用！
Follow TOPick Whatsapp頻道🔔，唔會錯過熱門話題!【點擊Follow】
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品!【立即參加】
|
鍾意就快D Share啦！
|
|
|
