性感女神崔碧珈（Anita）雖然已否認跟前港男藝人鄭健樂（Rocky）的緋聞，但是非依然不絕。日前旺角街頭出現Rocky被追數的街招，直指他是「香港世紀賤男」。
今日（17日）Anita獲邀出席有關女企業家的活動，她表示：「因為之前啲新聞太搶眼球，有兩、三個活動因為咁而唔請我，所以今日獲邀請，我好開心，我唔係因為冇咗酬勞或工作而唔開心，只係覺得我嘅形象被動搖而唔開心。」
問到Rocky被貼大字報追債，又被指是食「軟飯男」，她就話因為忙沒太留意新聞詳細內容，並稱呼對方為事件的「男主角」以代表Rocky名字，當問到男方要人請食飯，她幫對方說話：「我諗佢屋企有飯煲。（有冇請過對方食飯？）做完運動後請過1次，不過我成日都請人食飯，其實佢都好多學生，所以都有途徑搵錢。（佢係咪經濟問題？）傳媒有冇問過佢先，否則對佢唔公平。（如對方要求可會借錢給對方？）睇吓銀碼，如果幫到都幫，我以前都有借錢畀人，同埋我真係買咗佢3堂課程，用咗兩次，見面都唔夠幾個鐘，之後都冇再搵佢教，亦冇聯絡，唔係怕尷尬，而係怕有壓力。」
她強調在Rocky身上沒有經濟上損失，但網民懷疑是Sex Partner關係時，她強調沒有身體上接觸，自問行事小心，雖然單身5至6年，但工作忙，無暇理感情事，加上自己超級「宅」，鮮外出結交新朋友。
至於現時的理想男友條件，她覺得：「首要單身，雖然我好熱情會叫人Baby，但唔會令已婚或有女朋友嘅朋友誤會，最好有共同嗜好，佢經濟可以照顧到自己，唔係想我養，年紀冇乜問題。」
Rocky今天於社交網上載黑底白字圖片回應說︰「傷害過你的人，在傷害你的那一刻，他的果報就已經開始了，任何事情都有因果，該有的一定不會少。果報也許會遲到，但永遠不會缺席，凡事都有輪迴，你看蒼天饒過誰！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
