「香港電影金像獎2026」將於4月19日假文化中心舉行，今午舉行記者會公布各大獎項入圍名單。影帝及影后方面競爭尤為激烈，古天樂憑主演《私家偵探》及《尋秦記》入圍角逐「最佳男主角」，並出現「自己打自己」的情況，而張繼聰則憑《金童》與梁家輝等拗手瓜爭影帝寶座。
而「最佳女主角」方面，廖子妤及《贖夢》陳法拉齊齊「處女下海」，初嘗角逐影后滋味，與《無名指》許恩怡、《水餃皇后》馬麗及《醬園弄．懸案》章子怡爭獎。值得注意的，染指幕後首執導演筒的舒淇，先後入圍角逐「新晉導演」、「最佳導演」及「最佳編劇」3個大獎，成績斐然。另外，麥浚龍憑《風林火山》同樣入圍「新晉導演」，而早前曾公開談有機會入圍「原佳原創電影歌曲」的張家輝終於如願以償，憑主唱《永遠的失眠》成功「轉跑道」躋身獎項5強。而《風林火山》入圍12個獎項成最多提名電影，《尋秦記》則緊隨其後，獲11項提名。
而身為金像獎協會董事局主席的爾冬陞於台上發言表示，協會成員已增加至17個，共有2064位合資格投票的專內人仕，然而第一輪有效票數僅得989票，約佔整體47.92%，比去年下跌約17%，票數告急難怪他語重心長呼籲接下來大家要積極投票。談到港產片寒冬狀況，他表示：「香港電影產生咗120年，期間經歷咗無數次起跌。知道有好多人喺度懷緬過去，覺得今不如昔，但困難時總有迎難以上嘅電影人，冬天過後一定有春暖花開嘅一日﹗AI嘅出現節省咗創作時間及工序，打破咗資源限制，但電影主題依然以情感及創意為主，大家唔應該怕被AI取代，反而要學習及善用佢成為自己嘅助手。」
而爾冬陞受訪時被問到4部電影被DQ一事，他初時表示：「有咁嘅事？傳聞你要問番傳聞嘅人」，再追問下他才回應指：「我其實喺過去一個月，一直諗緊點樣去回應，但我諗唔到一個令各方都滿意嘅說法。所以我就決定唔公開回應」，最後再引用《金剛經》：「若見諸相非相，則見如來」，相當玄妙。
陳法拉接受東網訪問，她表示：「事隔10年再返香港拍攝港產片，得到提名非常感動，很感激香港的同行及觀眾沒有忘記我，亦很感謝導演張家輝及監製鍾珍給我這次機會，還有感謝整個團隊令我的角色能夠這麼立體及豐富」。
男主角方面，古天樂對於獲雙提名受訪表示：「好開心！好高興！雙倍開心同雙倍高興！」張繼聰則回應指：「好開心啊！頭先宣布嗰一刻呢，其實內心都好激動，即係因為行到嚟呢一步，有咁樣嘅成績真係好唔容易。咁喺我心裏面最感動嘅地方係，因為呢個係成個團隊好多人嘅嘅努力，即係唔係得我一個就可以做到，係好多人奮不顧身去成就呢件事，諗起入面幫我手嘅團隊，每一位兄弟姊妹呢個心就好感恩。同埋，我都好開心積師傅（黃偉亮）同埋Ali (李佳芯）都有一齊提名，咁所以係非常之開心啊！我覺得呢件事真係好勵志，即係由Day 1準備呢套戲、到拍攝、到籌備上映、上映嘅時候遇到所有嘢都係勵志片，咁我覺得證明係勵志片喺市場上係有市場；喺人生上其實都係仲有勵志片嘅事情會發生，所以都好開心，人係應該保持正面嘅諗法、保持希望、保持熱情咁樣，所以好多謝好多謝大家對我嘅支持，我係完全收到晒！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
