香港《金像獎》今日公布入圍名單，當中甚有驚喜，好多人嘗試自己的第一次，例如影后舒淇角逐「新晉導演」和「最佳導演」；而視后李佳芯就入視圈跳入影圈，角逐最佳新演員；至於滕麗名就入圍「最佳女配角」。
入行多年的滕麗名首次獲提名《金像獎》，憑着電影《尋秦記》角逐「最佳女配角」，對此，她接受東網訪問時坦言驚喜：「好開心，首先要多謝古生（古天樂），唔係佢呢套戲，我都上唔到大銀幕，其次我都要多謝TVB培育咗我多年，TVB真係培養咗好多人出嚟，今年我都啱啱攞咗30年金牌，所以今年係好特別嘅一年。」說到她要跟多位好戲之人爭「女配角」獎項，問到有否信心時，她「吓」了一聲，然後謂：「咩都試吓多謝大家！」
李佳芯對於入圍「最佳新演員」更是喜出望外，她說：「真係完全冇諗過，因為記得嗰陣時，喺舊公司拍劇拍到天昏地暗，其中一日度咗期拍攝，同埋係《金童》入面，只係阿聰回憶入面出現，好少片段，當中完全冇得warm up，冇得睇前面後面點去演，一嚟就要拍，所以有提名係好驚喜。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
