前跳唱女團Super Girls成員趙慧珊（Aka）近年性格大變，由內向怕醜逐漸變得開朗，大大拓展人際網絡，揚言今年希望開放自己，又透露有堪輿學家批她馬年姻緣、錢財任揀，事業及愛情均行大運。
Aka之前39歲生日撞正年廿八，當天除了吃蛋糕還吃了年糕，她說媽咪教路年糕加蛋煎成金磚，取其發財好意頭。不知不覺到了這年紀，Aka自覺有需要改變：「我研究過好多成功嘅人，永遠好多人同佢一齊，因為性格好E（外向型），從不同人身上都會學到啲新嘢，所以我訂立目標，希望變得外向啲，去識多啲新朋友。」以前因性格太I（內向型），不會主動約人，若聚會多了一位陌生人加入，她都選擇不參與，不過有日從媽媽身上獲得啟示，覺得對方在自己這年紀已經當媽生了兩個女兒，「世界好多嘢我都無接觸過，仲有乜好驚，說服自己唔好驚，同自己講我要變，變得Open啲。」她笑言「Open」意指打開朋友圈子，吸取養分，相信無論在工作還是畫畫上都會有所得着。
另外，Aka透露有堪輿學家批她今年容易遇到另一半：「一係搵到另一半，一係將姻緣轉化成錢財，有得揀，身邊朋友都叫我揀咗錢先，哈哈！隨緣」近年她轉型從事藝術，工作機會不斷，足夠生活餬口，她計劃創立IP品牌，推出不同聯乘產品，衝出香港到不同地方開藝術展。
場地提供：汴京茶寮
本文作轉載及備份之用 來源 source: http://hk.on.cc
|
鍾意就快D Share啦！
|
|
|
