男團MIRROR成員姜濤連續兩年出席連鎖快餐店Annual Dinner，與台下觀眾互動，氣氛熱鬧。姜濤尋日（23日）初七人日以嘉賓身份現身，曾自爆早年於該連鎖快餐店兼職，依家佢做表演嘉賓亦盡心盡力，當中就有大唱《好得太過份》、《寂寞圓舞》、《Better Man》、《你要倔強》、《Boulder》等，動靜皆宜，令全場尖叫，個個跑到去前面親近男神。當中佢瀟灑跳唱，台下聽到男女員工都堅High，狂叫佢個名同大嗌「好靚仔呀」、「我愛你」等，唔少人睇到面紅熱熱，大家見佢咁賣力，都擔心偶像會好攰。姜糖（姜濤Fans）就紛紛留言嗌羨慕，話以為睇緊姜濤演唱會，又有人搞笑留言指為咗可以年年睇男神，直頭想加入該公司炒薯條，好想可以親近男神。
同場更見到最近因電影版《尋秦記》而再次翻紅嘅林峯，佢都同樣大唱多首首本名曲，同樣跳唱，仲加碼於台上會自拍大合照，有網友就留言激讚公司夠揼本，請晒當時得令嘅頂流嚟獻唱，高層同員工都睇得好過癮。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
