《流行都市》CP安德尊（大王）與宋芝齡深受觀眾歡迎，兩人緋聞傳足逾十年，早前安德尊與好友林嘉華接受TVB《娛樂新聞台》訪問時，安德尊被林嘉華逼供下首度公開認愛，大家都對於「有情人終成眷屬」大感開心！但其後兩人開廠，大王又改口供表示自己只是亂噏，宋芝齡亦堅決否認戀情，更擔心會驚嚇走追求者。
雖然兩人關係撲朔迷離，但日前安德尊與宋芝齡為《流行都市》拍攝新年特輯時，被發現穿上極搶眼的桃紅色傳統賀年服裝，又當眾翹手，十足情侶一樣高調晒愛。當主持人潘盈慧見狀笑指兩人着情侶裝，並上前追問時，宋芝齡隨即解釋服裝只是由公司安排，但大王就表現激動對潘盈慧說：「點解我見親你都咁多呢啲問題嘅你！你真係有啲問題喎……」潘盈慧大感無奈，大王繼續開火：「我冇打算咁樣，你可以唔問㗎嘛！」
當潘盈慧問宋芝齡會否考慮新一年「飛起」大王，大王就霸氣地插嘴兼指住潘盈慧說：「你少啲嚟得喇，次次都係有你出現呢，我哋就『領嘢』喇！」雖然大王鬧潘盈慧應該只是開玩笑，但問到兩人的衣着是否合襯時，這對緋聞情侶還是忍不住當眾「打情罵俏」，宋芝齡欲拒還迎地表示：「都唔係好襯啫！」大王一邊假裝抗拒，卻與對方鬥嘴：「你都黐線，咁都仲唔叫襯？」宋芝齡聽罷隨即「反擊」指摘大王：「新年流流唔好講黐線！你係咪想襟撈呀？你真係Short Short哋。」最後大王連宋芝齡都鬧埋一份，咆哮：「新年唔好話人Short Short哋好唔好呀？」兩人你一言我一語，大放閃光彈，認真搞笑。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
