獲封「武力輸出」 隱藏藍帶高手身分曝光
說到「埋身肉搏」，陳瀅在劇中絕對不是花瓶，由於其他演員基本沒有動作戲，她順理成章被外界封為全劇的「武力輸出」及「武力擔當」！對於這個霸氣稱號，她笑言非常受落：「幾好呀，我鍾意㗎！即係我打得勁呀！」
原來甜美嬌俏的陳瀅竟然深藏不露，自幼已經擁有武術藍帶底子！她自爆小時候媽媽逼她學游泳、芭蕾舞和畫畫，結果全都是三分鐘熱度，「每一樣嘢都學咗一兩個星期就放棄，但反而到最後我自己舉手話想試吓學泰拳，我都學到去藍帶！」小時候練下的基本功沒有白費，難怪這次拍動作戲，連武術指導都對她刮目相看，大讚她：「嘩！你又順手咗喎，又叻咗喎！」令她成就感滿滿。
揚言不怕痛望做「惠英紅2.0」
不過，做「武力輸出」背後亦要付出代價。陳瀅坦言拍打戲比跳舞難得多，因為跳舞只要自己發揮好即可，但打戲講求雙方配合，時機、節奏和力度稍一不慎就會受傷。早前就有傳她拍動作戲受傷，陳瀅受訪時亦親口還原事發經過，原來是在拍攝最後一日遇上意外：「有個東哥有個轉身動作，佢有隻腳伸埋嚟，我唔小心企錯咗個位，所以就食正佢隻腳。」當時傷得不輕，需要接受針灸並休息足足兩星期才康復。
幸好這次「硬食無情腳」並沒有為陳瀅留下陰影。被問到以後還敢不敢拍打戲，她毫不猶豫地一口答應：「唔會驚，我好鍾意㗎！上次係我自己唔小心，所以下次我會再小心啲。」記者問她會不會以影后級「打女」前輩惠英紅為目標，她說：「梗係想試吓趁我仲有呢個力同呢個心，我都會想試一次。趁後生！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
