否認係二世祖 拆解「窮到得一億」都市傳說
節目一開始，梁思浩單刀直入問鄧兆尊介不介意被標籤為「富二代」。兆尊表示：「我唔接受」！他解釋真正的富二代是無憂無慮、日日睡醒就想著去哪裡玩，但他自己強調「成日都要返工」，甚至享受工作，絕非遊手好閒的二世祖。
至於網上流傳最廣的「我最窮的時候只剩1億」，兆尊澄清這是一場誤會，其實是當年在《獎門人》中，被拍檔陳彥行拿來開玩笑，豈料被外界斷章取義傳足多年，演變成大眾對他的既定印象。他更幽默自嘲：「我銀行都冇見過有1億！」直言傳聞太誇張。
祥哥賣賭場股份始知屋企有錢
雖然不認是富二代，但兆尊的出手闊綽卻是有目共睹。梁思浩回憶當年與兆尊初相識，自己在一個慈善晚會做司儀兼推銷每張500元的獎券，處處碰壁之際，剛留學返港、身穿禮服的兆尊竟二話不說，拿出現金買下他手上所有獎券。這個暖心舉動令梁思浩大為感動，形容當時兆尊「頭上有光環」，是真正有教養的貴公子。
談及身家，兆尊坦言20幾歲前根本「唔知自己有錢」，因為求學時期還要打暑期工賺零用。直到讀完書返香港，有次爸爸祥哥透露想賣掉賭場股份，他才恍然大悟：「吓，原來有關係嘅？原來係賭場股份，我先發覺原來都幾有錢㗎喎。」加上祥哥平時生活節儉，只穿唐裝衫甚少外出，梁思浩追問是否一直不知道自己屋企有錢？鄧兆尊直說：「我知有，但唔知去到咩地步，因生活好普通。」至於實際身家有多少？鄧兆尊十足食誠實豆沙包，笑言自己也不知道實數：「
與祥嫂對簿公堂：係傷嘅
重提當年轟動全城的爭產案，甚至要與最疼愛自己的母親祥嫂對簿公堂，兆尊坦言內心「係傷嘅」。他無奈表示：「我係一個好奇怪嘅位，我媽最錫我，要我同佢打官司係比較難，糾結啲。」他透露其實祥哥生前已做好安排，不解為何母親後來要有這麼多動作：「事實上佢（祥嫂）又唔係為咗錢打官司，因為之前已經同阿爸安排好、同爸爸傾咗，好多嘢畀咗佢㗎啦，但私下佢仲要做咁多奇怪嘢……我唔知啦，可能每一個人到某個年紀，會有啲錯誤嘅諗法、決定。」他覺得傷害了家族的平衡位，故被迫與兄弟姊妹站在同一陣線，「有少少失落過，點解關係咁，有乜大不了，大家其實係為好少嘅事，將件事發到咁大，為咩呢？！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
