生肖屬馬的莊子璇以手寫揮春跟東網讀者拜年，選美出身的她不止有顏值，原來歌喉都不俗，以前經常參加校際音樂比賽，曾被親戚慫恿出戰《聲夢傳奇》，她將迎來首個商演一展歌喉，期望將來有機會獻唱劇集主題曲。
今年24歲的莊子璇（Hilary）用毛筆即席揮毫寫揮春應節，她以自己的名字寫下祝福語，祝大家「端莊大方」、「『子』日可待」及「凱旋歸來」，認真有心思！說到本命年犯太歲，Hilary表示本來並不相信，但有朋友去年犯太歲而未有攝太歲，整年過得很坎坷，令她深感寧可信其有：「我覺得可能攝咗太歲會好啲，我睇咗好多運程書，本命年要小心利器同金屬，要小心駕駛同埋多啲走動，不過都有貴人星，總括嚟講唔差，小心為上。」
回顧去年，她認為過得相當充實，包括處女劇《金式森林》播出及拍了綜藝節目：「最難忘係新劇出街，雖然有唔少負評，但好多人講嘅都好中肯，例如聲線問題、表情唔夠自然等，好多地方需要改進。」
最驚發台瘟
她稱一直有上堂學唱歌、演技及語言以裝備自己，最近有份主持音樂節目的她坦言向來對唱歌有興趣：「十幾歲嗰陣有親戚叫我參加《聲夢傳奇》，當年冇去，最後媽咪叫咗我參加港姐。細個都有參加學校歌唱比賽，但每次都緊張到唔知自己唱乜。（想唱劇集主題曲？）當然希望，有機會會爭取。（學咗唱歌幾耐？）一年左右，我一直唔覺有特別進步，早前唱番第一堂唱嘅歌，發現好大變化，原來真係有用。」她透露稍後將迎來處女商演表演唱歌，她自認容易發台瘟，連歌唱老師也戥她緊張。
場地：Mini Central
本文作轉載及備份之用 來源 source: http://hk.on.cc
|
鍾意就快D Share啦！
|
|
|
